Bas Yunhi....

Ek wohi Baat karta hai dil,
Ek wohi chaahat dhoondhta hai dil;
Vaise to Kai mulaakaate hui unse...
Kambakhat Kuchh kehne se darta hai dil !

-Dr Racchana D Fadia
MERAKI

Bas Yunhi....

Sab kucchh poochhkar kehte hai Dost....''Bas yunhi..."
Daastaan-e-Zindagi  ka Sabab hum Ab bhi samjhe nahin!
Ek par ek Naye sawaal khade karti hai zindagi;
Aur hum hai ki chalte rehte hai..."Bas yunhi..."

- Dr Racchana D Fadia
MERAKI

Talaash

Tujhe chahoon is kadar, is kadar tujhe chahoon;
Zarre zarre me dhhoondhti hoon teri parchhayiaan.
Teri chhahat ne is mukaam tak laakar rakh diya hai mujhe
Jahaan se khoobsoorat lagta hai... aane wala har woh pal,
Jo beetega Teri duniya mein, teri baahon mein, Tere khayaalon mein.
Sapnon ki us duniya mein Kahin door chal Pade hai kadam,
Jahaan se sab Kuch lagta hai suhaana, saral or sacchha.
Ek dar sa Laga rehta hai, kyon bechain karte rehta Hai?
Dil jo ek Baar toota hai,  woh phir se Kahin naa toote
Joh waade kiye hai,  Kahin woh iraade na ho joothe!
Mann sambhalna chaahta hai,  lekin dil mein hai toofaan uthte rehte;
Kinaare se door..Beech samandar Khoyi hai Kashti.... Manzil ki Talaash mein!!!


-Dr Racchana D Fadia
MERAKI