VIJAYPATH

Log raah chalte milenge, log bichchdenge.
Kuchh logon ki sirf yaadein reh jaayengi,
Toh kuchh dil mein hamesha ke liye ghar kar jaayenge!
Kuchh logon ke teekhe anubhav dil ko maayoos kar jaayenge,
Toh kuchh log hauslaa buland kar jaayenge!
Aae musafir, tujhe in sab mein sey
Keval achchaayi ko panaah deni hai
Aur apni manzil ki taraf avirat badhte rehna hai
Kabhi kisi adchan ko aade na aane dena
Yaad rahe, tera dhyeya kathinayeeon ki jwaalaa mein tapkar,
Suvarnaroop vijay hokar baahar nikalna hai!
Naa ki uski aag mein jalkar khaak hona hai!

- Dr Racchana D Fadia